Rådmann Ann Kristin Langeland er behandlingsansvarleg i Stranda kommune, og har det overordna ansvaret for at dei personopplysningane kommunen behandlar, er tilfredsstillande sikra.

Det daglege ansvaret innan ulike fagområde er delegert til einingsleiarane og leiarane i stab/servicekontor. Den einskilde leiar har eit delegert dagleg ansvar for den praktiske informasjonssikkerheita og oppfølging innan eige område.

Leiar for servicekontoret og sikkerheitsleiar, Evelyn Omenås, er den som koordinerar arbeidet med informasjonssikkerheita. Ho har ansvar for sjølve arbeidet med oppfølginga av informasjonsvernet, kvalitetssikring av retningslinjer og rutinar på eit overordna nivå.

IKT-leiar Eldar Gjærde er kommunen sin driftsleiar og har ansvar for teknisk drift av heile dataanlegget og alle informasjonssystema i kommunen. Dette inneber også hovudansvar for installasjonar, endringar og oppsett i kommunenettverket og for tekniske sikkerheitstiltak.