Ei gruppe tok initiativ til å starte denne prosessen og har i løpet av hausten halde fleire møte der ein har diskutert ulike problemstillingar og utfordingar (nedlegging av viktige forretningar, aktivitetstilbodet m.m.). Gruppa avslutta med å kalle inn til eit folkemøte på Stranda vgs. der hovudprogrammet var ei såkalla SWOT-analyse (les meir nedanfor). Dei forslaga som kom fram der er det viktigaste grunnlaget for vidare arbeid. Det er no oppnemnt ei meir permanent arbeidsgruppa som skal vidareføre arbeidet. Initiativgruppa har laga eit mandat (sjå Prosjektdirektiv) som skal vere retningsgjevande for dette arbeidet.

På denne sida vil du heretter finne mykje stoff om det arbeidet som er gjort til no, og relevant informasjon frå det vidare arbeidet vil bli lagt ut etter kvart.

Vi har planar om å gjere denne nettsida ”interaktiv” via ein ”blogg-funksjon”, slik at folk får høve til å kome fram med synspunkt, idear osb. som kan kome arbeidet til nytte. Men det er ein del tekniske ting rundt dette som må avklarast før dette kan skje.

Oppfordringa til alle som er opptekne av å skape eit betre sentrum er å følgje med på det stoffet som vert lagt ut og kome med innspel til arbeidsgruppa.

Elles er sjølvsagt alle førespurnader til gruppa velkomne - også gjennom andre kanalar (telefon, e-post osb.). Namn, telefon og e-post til dei som er med i gruppa er lagt ut på denne sida. Vi manglar førebels to namn, men desse vil vere på plass før nyttår.