Kultur og fritid famnar om eit vidt spekter av kulturfaglege område og skal vere eit serviceorgan for det lokale kulturlivet. Vi skal vere med på å inspirere og leggje tilhøva til rette for dei frivillege laga og organisasjonane i kommunen slik at dei får gode arbeidsvilkår.

Fleire kulturfaglege område er samla i tenesteeininga Kultur og fritid;
Biblioteket med hovudfilial i Storfjord kulturhus og filialar i alle bygdelaga.
Stranda kulturskule gir undervisning til ca 150 barn og unge. Skulen gir tilbod om opplæring i mange ulike intsrument, dans, billedfag og mixgruppeundervisning. Skulen har og opplæring og direksjonsavsvar for to korps.
Til Kultur og fritid ligg drift og vedlikehald av Strandahallen.
Stranda ungdomsklubb er foreldre­styrt, men kommunen har den daglege oppfølginga av klubben.
Ungdomskafeen er eit kommunalt foretak og opna våren 2004. Kafeen blir dreve i samarbeid med klubben.

Innanfor det allmenne kulturområdet har vi ansvar for mellom anna følgjande oppgåver:
Dagleg oppfølging og tilrettelegging for lag og organisasjonar, sakshandsaming og sekretærfunksjon for idrettsråd og ungdomsråd, kino- og videokonsesjon, bygdekino, kulturmidlar/gåvemidlar, kulturnista, kulturvern, ledsagerbevis, planarbeid, spelemidlar og ungdommens kulturmønstring.

Avdelinga sine oppgåver femner frå undervisning, utlån, informasjon, konsesjon, formidling og handsaming av søknader etter reglement for kulturmidlar og gåvemidlar (vedteke av HOK), stadnamnlova, film- og videogramlova, folkebiblioteklova og opplæringslova.