Kommunal landbruksforvalting
Forvaltningsoppgåver som tilskotsordningar innan jord- og skogbruk, skogavgiftsregnskap, kontrollfunksjonar og arealforvaltning/miljø er viktige delar av verksemda.
Næringsutvikling i eller i tilknyting til landbruket, herunder rettleiing, informasjon og saksbehandling når det til dømes gjeld BU midlar samt råd, rettleiing og finansiering (tidlegare tilbod frå SND).

Areal- og naturressursforvaltning
Landbruksnæringa er forvaltarar av store delar av areala i kommunane. Kommunen har ansvar for å forvalte lover som har innverknad på arealforvaltinga. Gjennom tiltak for betre stell av kulturlandskapet og fleirbruk i skogen er det ein oppgåve å legge til rette for bevaring og utvikling av miljø- og naturgodar som alle samfunnsgrupper har nytte og glede av.

Miljøomsyn
Målet om bærekraftig utvikling står sentralt i utnyttinga av naturressursane. Som følgje av dette er det ein viktig oppgåve å redusere uheldige miljømessige verknader av landbruksdrift, m.m. Det gjeld bl.a. avrenning og erosjon frå jordbruksareal og behandling av spesialavfall.

Næringsutvikling innan og i tilknyting til landbruket
BU-midlane skal medverke til å skape lønsame arbeidsplassar i eller i tilknyting til landbruk, og til et levande bygdesamfunn.

Viktige lover
Jordloven har ein formålsparagraf som seier at jordviddene i landet med skog og fjell og alt som hører til, kan bli nytta på den måten som er mest gagnlig for samfunnet og dei som har yrket sitt i landbruket. Ved søknad om deling av eigedom skal det søkast om dispensasjon frå det generelle delingsforbodet i område som i kommuneplanen sin arealdel er avsett til Landbruka, Natur- og Friluftsområde (LNF).

Konsesjonsloven seier at fast eigedom større enn 20 dekar (mål), ikkje kan erverves utan konsesjon frå myndigheta. Det er gjort enkelte unnatak med bakgrunn i kjøper si stilling i høve til seljar (slektskap) eller eigedomen og einskilde unnatak med bakgrunn i eigedomen sin karakter.

Lov om skogbruk og skogvern har som føremål å fremje skogproduksjon, skogreisning og skogvern. Den tar sikte på at skogbruket, gjennom rasjonell skjøtsel kan gi eit tilfredsstillande resultat for næringa sine utøvararar og sikre effektiv og jamn råstofftilførsel til industrien. Vidare skal det leggast vekt på skogen sin verdi som rekreasjonskjelde for befolkninga, som viktig del av landskapsbiletet, som livsmiljø for plantar og dyr og som område for jakt og fiske etter gjeldande reglar.

Aktuelle forskrifter:
Forskrift om tilskudd til spesielle miljøtiltak i jordbruket
Forskrift om tilskudd til nærings- og miljøtiltak i skogbruket
Forskrift om nydyrking
Forskrift om planlegging og godkjenning av veier for landbruksformål
Forskrift om gjødselvarer mv. av organisk opphav