Kommunen har fastsett fristen for å søke midlar etter SMIL og tiltak i beiteområde for 2025.
Spesielle miljøtiltak i jordbruket - SMIL
Føremålet med tilskotsordninga SMIL er å fremje natur- og kulturminneverdiane i jordbruket sitt kulturlandskapet og å redusere ureining frå landbruket. Kommunen oppfordrar gardbrukarar og andre som er søkegode etter ordninga til å søke.
NB: Også eigarar av landbrukseigedom som leiger bort areala kan søke via leigetakar, dersom jordbruksarealet på eigedommen vert drive av eit føretak som oppfyller vilkåra i forskrift om produksjonstilskot.
For meir opplysningar om SMIL-ordninga, sjå Stranda kommune sine heimesider under Næring og skatt – Jordbruk – SMIL-ordninga og tilskot tiltak i beiteområde.
Vedtekter for SMIL-ordninga (2024-2027): Kommunale vedtekter for SMIL-ordninga i Stranda kommune 2024-27
Ramma for første tildeling 2025 er 310 000 kr.
Lenke til søknadsskjema: Altinn - Tilskudd til spesielle miljøtiltak i jordbruket (SMIL)
NY Frist til kommunen: 9. mars 2025
Tilskot til tiltak i beiteområde
Føremålet med tilskottet er å legge til rette for best mogleg utnytting av beite i utmark, redusere tap av dyr på utmarksbeite og fremje fellestiltak i beiteområda.
Tilskot til tiltak i beiteområde er ei eiga ordning, men ein nyttar same skjema i Altinn som for tilskot til SMIL.
For meir opplysningar om tilskotsordninga tiltak i beiteområde, sjå Stranda kommune sine heimesider under Næring og skatt – Jordbruk – SMIL-ordninga og tilskot tiltak i beiteområde.
Vedtekter for tilskot til tiltak i beiteområde (2024-2027): Lokal vedtekt for ordninga Tiltak i beiteområde
Ramma for første tildeling 2025 er 110 000 kr.
Lenke til søknadsskjema: Altinn - Tilskudd til spesielle miljøtiltak i jordbruket (SMIL)
NY Frist til kommunen: 9. mars 2025
Dersom du har spørsmål om dei ulike tilskotsordningane, ta kontakt med oss på landbrukskontoret (Inge 464 11 023, Andrea 464 11 102).
Du finn også informasjon på Landbruksdirektoratet sine sider: Tilskudd til spesielle miljøtiltak i jordbruket (SMIL) og Tilskudd til tiltak i beiteområder