Landbruksdirektoratet har utvikla ei ny digital løysing for mjølkekvoteordninga. For første gang kan ein ordinær salsrunde no blir gjennomført digitalt.
Innan 1. august kan eigarar av landbrukseigedom med grunnkvote for ku- og geitemjølk søkje om å få selje heile grunnkvoten sin eller deler av han. Tidlegare måtte kvoteeigarane fylle ut minst tre papirskjema dersom dei ville selje, no kan heile prosessen skje digitalt.
40 prosent må seljast til staten.
Minst 40 prosent av den mengda kvoteeigaren vil selje, må seljast til staten for 4,00 kroner per liter. Det er òg mogleg å selje heile grunnkvoten til staten. Inntil 60 prosent kan seljast til eigarar av landbrukseigedommar innanfor same produksjonsregion til ein pris som seljar og kjøpar avtalar.
Ved førre ordinære salsrunde i 2019 fekk Landbruksdirektoratet inn 609 søknader om sal av kumjølk-kvote.