Fylkesmannen skriv at dei no har fått avklaring på spørsmål om mogleg dispensasjon frå Forskrift om kunstig sædoverføring hos husdyr utført av andre enn veterinær, slik at bønder med kurs i inseminering kan inseminere utanfor sitt eige bruk.
Mattilsynet kan gi dispensasjon i særlege tilfelle, og vurderer at Korona-situasjonen er ein slik særleg situasjon.
Framgangsmåten ved framlegging av søknad om dispensasjon er slik:
Ein person som har løyve frå Mattilsynet til å inseminere i eiga besetning kan ikkje inseminere i andre besetningar utan dispensasjon frå Mattilsynet. Avdeling for nasjonale oppgåver kan gi slik dispensasjon etter søknad i særskilde situasjonar. Korona-situasjonen er ein slik særskild situasjon.
Forskrift om kunstig sædoverføring hos husdyr utført av andre enn veterinær set rammene for dette og denne forskrifta finn du her:
https://lovdata.no/dokument/SF/forskrift/1995-03-06-239?q=s%C3%A6doverf%C3%B8ring
Mattilsynet kan handsame ein slik søknad i løpet av kort tid, og søknaden må innehalde:
- Namn, adresse, produsentnummer, inseminørnummer hos Geno/Norsvin på produsenten som skal inseminere hos andre produsentar
- Spesifiser dyreart (svin eller storfe)
- Spesifiser geografisk område /kommunar der inseminasjonen skal utførast
- Skriftleg stadfesting frå Geno/Norsvin på at det ikkje er anna tilgjengeleg seminpersonell i området