Oppdateringar 13.08.2020:
Det er etter ferien registrert urovekkande auke av coronasmitte både internasjonalt og nasjonal
Noko av dette er import av smitte etter ferieturar i utlandet og ved innreise til Norge. Regjeringa har nettopp revurdert reiseråda .
Det har til no ikkje blitt påvist coronasmitte i Stranda, men vi er bekymra for utviklinga og for dei svært negative konsekvensane coronasmitte ved institusjonane kan ha for våre eldre og sjuke
Etter innspel frå fylkesmannen og drøfting i Stranda kommune si kriseleiing i dag har kommuneoverlegen fatta følgjande vedtak
Pårørande som har vore utanfor Norge og vil på besøk på institusjon, må vente i 10 dagar etter heimkomst før besøk.
Denne endringa vil bli sendt ut til kontaktperson for familien og vil bli innarbeidd i «Besøksrutiner ved institusjonane i Stranda kommune», som du finn på Stranda kommune si heimeside.