Undersøkinga vil gå ut til ca. 56 000 av dei som bur i fylket som er 18 år og eldre. Dei som får undersøkinga vil bli direkte invitert via SMS (denne SMS-en er sikker å svare på) og e-post til å svare på spørjeundersøkinga om helse, trivsel og livskvalitet.
Viktig med deltaking
Informasjonen som vi samlar inn vil vere eit viktig grunnlag for arbeidet innan fleire områder i fylkeskommunen og kommunane i Møre og Romsdal. Stranda kommune treng at minst 400 personar svarer for å få ut rapport.
Hovudtema i undersøkinga er:
- eigenopplevd oppvekst – og levekårsforhold
- livskvalitet
- nærmiljø
- sosialt miljø
- skader og ulykker
- helserelatert åtferd
- helsetilstand
Trivsel og livskvalitet
God helse og livskvalitet betyr mykje. Det handlar om meir enn fråvær av sjukdom og plager. Å oppleve at livet er meiningsfullt, å tilhøyre eit fellesskap og å ha nokon som står ein nær er viktig. Vi blir påverka av våre omgivnader og forhold gjennom dei ulike fasane i livet frå fødsel, oppvekst, skule, arbeid og alderdom. Folkehelsearbeidet handlar om å leggje til rette for ei sosial berekraftig samfunnsutvikling. Det er derfor viktig at vi klarer å få svarprosenten så høg som mogleg for å kunne sei noko om korleis befolkninga i Møre og Romsdal, og Stranda har det. Det er også viktig for å kunne jobbe målretta for at innbyggjarane skal få det betre.
Utføring:
Digitalt.