Landbruks- og matdepartementet har fastsett endringar i forskrift om nydyrking (nydyrkingsforskrifta).
Det er innført eit forbod mot nydyrking av myr, men kommunen kan likevel tillate dyrking av myr når visse vilkår er oppfylt.
Endringane i nydyrkingsforskrifta gjeld frå 2. juni, 2020.
Utgangspunktet er at nydyrking av myr ikkje er lovleg. Samstundes opnar forskrifta for at kommunen kan tillate dyrking av myr når grunneigar misser andre produksjonsareal på grunn av tap av leigejord eller ved utbygging i offentleg regi som samferdsletiltak eller liknande. Kommunen kan også tillate dyrking av myr der grunneigaren sin einaste dyrkingsressurs er myr, eller for å ivareta særskilte produksjonar i myr på fjellgrunn.