Frivillig forum er ein ny samhandlingsarena for frivilligheita i Stranda kommune.
Denne gongen var det lag og organisasjonar i Stranda tettstad som var invitert til ein kveld for å dele med andre, få inspirasjon, nye idear, nye samarbeid og kjennskap til kvarandre.
Ordførar Einar Arve Nordang ønska velkomen med ei helsing til deltakarane, før Bjørg Jacobsen tilsett i Stordal frivilligsentral fortalte litt om frivilligheita i Stordal.
Så var det tid for gruppeoppgåver der deltakarane fekk diskutere ulike problemstillingar som frivilligheita står i. Dette vart ein god halv time med engasjert prat. I oppsummeringa kom det innspel til mange gode forslag til moglegheiter for å skape enda betre rammer og løfte frivilligheita i Stranda.
Stranda frivilligsentral ser fram til fortsetjinga og nye Frivillig forum i framtida.