Har du ledig husvære til ukrainske flyktningar?
Stranda kommune har fått henvending frå IMDI (Inkluderings og mangfoldsdirektoratet) med spørsmål om å ta imot flyktningar frå Ukraina. Vi opplever også at folk frå Ukraina på eige initiativ tek seg til kommunen vår.
Bustadar som kommunen har tilgjengeleg, er ikkje nok til å dekke behovet dersom flyktningstraumen aukar og fleire av dei som no er på flukt frå Ukraina kjem til Stranda.
Vi kan kome til å trenge fleire husvære, og ber deg derfor om å melde frå til oss dersom du har bustad som kan leigast ut for kortare eller lengre periode. Vi er primært ute etter bustadar som er utrusta til å kunne brukast som fast og langsiktig bustad.
Har du ledig husvære er det fint om du fyller ut dette skjemaet (lenke til skjema)