NVE ønskjer innspel til høyring av søknad om elektrifisering av fiskeoppdrettsanlegga Urdaneset, Skjortneset, Overåneset og Vindsnes i Stranda og Fjord kommunar. Føremålet er å få høyringsinstansane sine synspunkt på planane og forslag til tiltak som kan redusere negative verknader.
Noregs vassdrags- og energidirektorat (NVE) har motteke konsesjonssøknad frå Hofseth Aqua AS om å leggje 22 kV sjøkablar til Urdaneset, Skjortneset, Overåneset og Vindsnes fiskeoppdrettsanlegg, og å installere transformatorar i oppdrettsanlegga med yting 0,63 MVA og omsetnad 22/0,4 kV. Anlegga ligg i Stranda og Fjord kommunar i Møre og Romsdal fylke.
Søknaden er tilgjengeleg på NVE sine internettsider: https://www.nve.no/konsesjonssaker/konsesjonssak?id=7511&type=A-1,A-5
Skjema for fråsegner kan finnast på NVE sine internettsider. Fråsegner kan òg sendast som e-post til nve@nve.no eller som brev til NVE, Postboks 5091, Majorstuen, 0301 OSLO.
Høyringsfristen er sett til 30. april 2021.
Lenke til brev frå NVE: Høyring av søknad om elektrifisering av fiskeoppdrettsanlegga Urdaneset, Skjortneset, Overåneset og Vindsnes i Stranda og Fjord kommune (PDF, 896 kB)
Stranda kommune gjer merksam på at Urdaneset framleis er nytta som nemning på staden som eigentleg heiter Skafjellet, sjå kart.