Det er med stor sorg vi i dag har motteke bodskapen om at Hans Majestet Kong Harald er gått bort.
Gjennom eit langt liv og ei meir enn tre tiår lang gjerning som Noregs konge, har Kong Harald vore det fremste samlingspunktet for folket vårt. Han møtte menneske med ekte varme, klokskap, lun humor og ei djup forståing for kvardagslivet i heile landet – frå dei største byane til dei minste bygdene langs fjordane våre.
Kongen har alltid passa på oss når nasjonen har stått i krise. Han gav oss trøyst og kloke ord då landet trengde det som mest, og han minna oss alltid på kva verdiar vi byggjer samfunnet vårt på: fellesskap, openheit og omsorg for kvarandre.
No er det vår tur å stå opp for kongehuset. Vi tek vare på den arven og dei verdiane Kong Harald stod for, og vi står samla i takksemd for alt han har betydd for Noreg.
På vegner av innbyggjarane i Stranda kommune sender eg våre varmaste tankar og djupaste medkjensle til Dronning Sonja, Kronprins Haakon og resten av kongefamilien.
Vi lyser fred over Kong Harald sitt minne.
ordførar Einar Arve Nordang