Som de veit er det grunneigar / (ev. leigetakar i samarbeid med grunneigar) som er ansvarleg for å halde opplysingane om areal og eigedomsgrenser oppdaterte i karta landbruksforvaltninga nyttar som grunnlag for arealutrekningane og utbetaling av tilskot (m.a. produksjonstilskot (PT) og regionalt miljøprogram (RMP).
Desse opplysingane (om areal og eigedom) er grunnlaget for tala i landbruksregisteret, som igjen er kontrollgrunnlag for tilskota.
Frist for å få endringar i AR5 med i berekningane for kommunar som oppdaterer AR5 (Stranda) er 25. august. Landbrukskontoret må difor få inn opplysingane om kva som skal endrast seinast 1. august slik at vi også – om naudsynt - kan få høve til å synfare areala før vi endrar databasane. Lag eit manuskart henta frå portalen i NIBIO (https://gardskart.nibio.no/search )som viser kva endringar du meiner bør gjerast.
Målet er best mogleg oppdaterte arealtal i Landbruksregisteret før neste søknadsomgang for PT/RMP.
Ved spørsmål ta kontakt med Asle Konnerth på tlf 46411024