Stranda kommune inviterer til mobiliseringsmøte i forprosjektet "Det store bilde", som er eit prosjekt som har til føremål å kartlegge handlingsrommet for utvikling av reiselivet i Stranda kommune sett i lys av skjerpa krav til reduksjon av utslepp i verdsarvfjordane fram mot 2026.
ÅKP AS er tildelt oppdraget med å fasilitere gjennomføring av forprosjektet, etter vedtak i kommunestyret den 18.12.2019 i sak 142/19: Det store bildet.
Mobiliseringsmøtet har til føremål å sikre god og brei forankring hos alle aktørar denne saka er relevant for og å sikre oversikt over aktuell kunnskap og data om utfordringa i prosjektet.
Stranda kommune ønskjer å få kartlagt følgjande:
- Moglege handlingsrom for reiselivet i kommunen fram i mot, og etter, 2026.
- Kva ulike strategiske val i verdsarvområdet kan gi av konsekvensar for næringslivet i regionen.
Dette skal gjerast gjennom å skissere berekraftige verdikjeder på sjø og land basert på aktuelle scenario framover mot og etter 2026.
Kartlegginga vil bli gjennomført som eit forprosjekt som skal kunne vidareførast i eit hovudprosjekt der ein går nærmare inn i ei eller fleire av dei problemstillingane og/eller moglege løysingane som vert skisserte i forprosjektet. Eit eventuelt hovudprosjekt vil bli lyst ut som offentleg anskaffing.
Dagsorden for møtet:
- Det store bildet: Kort om utfordringa og bakgrunnen for prosjektet (Jan Ove Tryggestad, ordførar, Stranda kommune)
- Prosjektgjennomføring: Kort om metode og gjennomføring (Oddbjørn Hatløy, prosjektleiar, ÅKP)
- Mål og avgrensingar for prosjektet: Kva skal forprosjektet levere (Oddbjørn Hatløy, prosjektleiar, ÅKP)
- Open dialog: Innspel til viktige forhold som bør trekkjast inn i prosjektet (Alle)
- Dato : 3. februar, 2020
- Tidspunkt : Kl. 12:00-14:30
- Stad : Storfjord kulturhus
Dette er eit ope møte, dvs. at alle som ønskjer det kan delta. Som de ser er det sett av tid til å kome med innspel, så har du gode idéar - ikkje nøl med å late oss få ta del i dei.