Møre og Romsdal fylkeskommune inviterer til informasjonsmøte om reguleringsplanarbeidet, i Honndalshallen på Grodås tysdag 20. mai. Det blir open kontordag på Smia onsdag 21. mai.
- Reguleringsplanarbeidet blir presentert, og vi ønsker å møte innbyggarar for å få tidleg involvering i planarbeidet.
Dette fortel Stig Vindenes, prosjektleiar i Møre og Romsdal fylkeskommune.
- Alternativ 2 frå kommundelplanen ligg til grunn for arbeidet, og vi er no i ferd med å lande ein endeleg plassering av vegen i reguleringsplanen. Det er mange omsyn som skal takast og mange detaljar som skal på plass, seier Vindenes.
Når forslaget til reguleringsplan er ferdig, skal det sendast ut på høyring før Volda kommune og Stranda kommune gjer endeleg vedtak.
Det er forventa at reguleringsplanane blir vedtekne i 2026, og at bygging tidlegast kan starte i 2027.
Plan for informasjonsmøte:
Tid: tysdag 20. mai kl. 18.00 – 20.30
Stad: Kafeen i Honndalshallen på Grodås
• Informasjon om planarbeidet
• Førebelse planer blir presentert
• Kaffepause
• Vi ønsker idéar til bruk av overskotsmasse langs traséen
Det vil være mogleg å kome med innspel under informasjonsmøtet. Fylkeskommunen ønsker kontakt med grunneigarar som kan ha eigna areal til riggområder, eller til nydyrking langs traséen.
Kontordag på Smia på Grodås
Tid: onsdag 21. mai kl. 09.00 – 14.00
Stad: Smia på Grodås
Møre og Romsdal fylkeskommune inviterer grunneigarar og andre til å drøfte detaljar i plana. Møtetidspunkt kan avtalast nærmare på informasjonsmøte tysdag, eller direkte med planleggingsleiar Per Gunnar Løset på tlf. 943 65 962.