Stad: Stranda - Storfjord kulturhus, møterom Kalvehagen
Dato: Tysdag 9. april 2024
Tid: 14:00 – 15:00
Utkastet til konseptvalutgreiinga (KVU) for Storfjordsambandet bekreftar at det kan vere eit vesentleg nyttepotensial og positive ringverknader i sjølve fjordkryssinga.
Førebels ser investeringskostnadane ut til å vere høgare enn nytteverdiane. Derfor vil Storfjordsambandet invitere kommunar og næringsliv til å jobbe vidare med moglege løysingar for å auke realismen i prosjektet.
Dei uavhengige konsulentane i Norconsult og Pure Logic som har jobba med KVU-en antydar at analysane ikkje er like positive til dei to andre delprosjekta i Storfjordsambandet; tunnelen mellom Stranda og Sykkylven, og vegforbindelsen mellom Storfjorden og Digernes på Ålesundsida.
Storfjordsambandet vil ha den endelege KVU-en klar til generalforsamlinga seinare i vår, etter at dei første samtalane med kommunar og næringsliv er gjennomført.
Invitasjonen vert sendt ut til bedrifter både i Stranda og Sykkylven.