Under kulturskulen sin samspelkonsert i Storfjord kulturhus 3. juni vart Sondre Svorkås tildelt Stranda Energi sin Talentpris for 2020. Prisen er ein sjekk på kr. 10 000.
Sondre har vist seg å vere eit unikt musikktalent i fleire kategoriar, men reknar seg sjølv fyrst og fremst som bassist. Trass sin unge alder, har han allereie sett sitt preg på musikkmiljøet i Stranda kommune igjennom framføringar på arrangement som UKM, Strandadagane og som medlem av ‘’Kor Løye’’ sitt faste husorkester.
Sondre vart introdusert til bassgitaren for berre 4 år sidan og det det er framleis hans primærinstrument, men han reknar seg no som ‘’multi-instrumentalist’’. Ved sidan av å komponere eigen musikk, trakterer han no fleire andre strengeinstrument som ukulele, balalaika og banjo. Han spiller også piano/keyboard og trommer som han bruker i eigne komposisjonar.