Tilskotsordningar i landbruket – SMIL, drenering og tiltak i beiteområde

Etter ei ny omfordeling i fylket er det ledige midlar på SMIL (spesielle miljøtiltak i landbruket) og drenering. Desse midlane ønskjer vi å nytte lokalt – så vi oppmodar alle som har aktuelle prosjekt om å sende inn søknad!

Fortløpande behandling av søknader

Vi behandlar søknader etter kvart som dei kjem inn, så det er ingen grunn til å vente.

Tiltak i beiteområde

Det vart dessverre ikkje tildelt nye midlar til tiltak i beiteområde denne gongen, sjølv om mange kommunar – inkludert Stranda – hadde søkt.
Men det er ingen grunn til å gi opp: Har du eit prosjekt, så søk likevel! Erfaring viser at det ofte blir ledige midlar frå prosjekt som blir trekt.

Ny søknadsrunde på nyåret

I starten av neste år kjem det ei ny pott for alle tilskotsordningar, med søknadsfrist i mars. 
Det kan vere lurt å ha søknaden klar i god tid før det.

Har du innspel?

Vi ønskjer gjerne innspel til retningslinjer og vedtekter – til dømes:
•    Justering av satsar
•    Typar prosjekt som burde få støtte

Send innspel til landbrukssjef Andrea Sundgot, eller til den rådgjevande gruppa, som består av representantar frå faglaga i kvart bygdelag (vanlegvis leiaren i bondelaget).

Spørsmål?
Ta gjerne kontakt dersom du lurer på noko!