Det nærmar seg årets TV-aksjonen. I år går midlane til Flyktninghjelpen og innsamlinga er søndag 18.oktober.
NRK Tv-aksjonen og Flyktninghjelpen samlar i år inn midlar for å kunne menneske på flukt ein trygg stad å sove og håp for framtida.
Elevar ved Stranda ungdomsskule stiller som bøsseberarar også i år, og dei treng sjåførar til å skysse dei ut til rodene. Kanskje har du tid til å hjelpe og støtte elevane sitt engasjement? Om du heller ønskjer å gå med bøsse, treng vi også fleire bøsseberarar. Kanskje kan du ta med ein kollega, ven eller familien din ut på ein søndagstur med meining?
Meld deg gjerne her så snart som mogleg, så tek vi kontakt: Registrering
Oppmøte på Frivilligsentralen, Kyrkjegata 3, Stranda søndag 18.oktober mellom kl. 15:30-16. Sjølve oppdraget tek cirka 1,5-2 timar alt etter rodene/området ein får utdelt. Innlevering i Sparebanken Møre sine lokale når ein er ferdig med si rode.
For innbyggarar i Sunnylven, Geiranger og Liabygda er det eigne oppmøtestader.
Takk til alle som har stilt på tidlegare! Håpar mange stiller dette året også. Vel møtt til ein søndagstur med meining!
Ta kontakt med Ragnhild Stadheim v/ Stranda Frivilligsentral om de har spørsmål til aksjonsdagen enten på mob. 464 11 076 eller e-post ragnhild.stadheim@stranda.kommune.no