Kompetanseutvikling for å hindre permitteringar og oppseiingar

Koronakrisa har gått hardt ut over både store og små bedrifter over heile landet. For å motverke permitteringar og oppseiingar, og samtidig medverke til kompetanseheving, får fylkeskommunane no 300 millionar kroner til bedriftsintern opplæring.

Med desse pengane kan bedriftene bruke ledig kapasitet til å heve kompetansen og omstille seg, framfor å permittere eller seie opp dei tilsette. På den måten kan vi motverke permitteringar og oppseiingar samstundes som fleire får auka kompetanse for framtida, seier Nikolai Astrup, kommunal- og moderniseringsminister (H).

Arbeidsmarknadstiltaket bedriftsintern opplæring (BIO) er eitt av fleire tiltak for å hjelpe næringslivet gjennom koronakrisa. Det er fylkeskommunen som forvaltar midlane fordi dei kjenner situasjonen i regionen godt og kan setje inn innsatsen der den trengst mest. Midlane er fordelte med eit likt beløp per innbyggjar og vil bli utbetalt 6. april.

Dei 300 millionar kronene som blir utbetalte i april kjem på toppen av 300 millionar kroner, som alt er betalte ut i 2020.

Fordeling: