Tilbodet vårt
Hos oss kan du låne bøker, lydbøker på CD, tidsskrift, språkkurs, teikneseriar, spel til Nintendo Switch og film på DVD. Du kan òg lese aviser når du besøker oss.
Bli lånar
Du må ha lånekort for å kunne låne. Barn opp til 14 år får eit lokalt lånekort som berre kan brukast hos oss, medan personar over 15 år kan velje å få eit nasjonal lånekort. Det kan du bruke i alle biblioteka i landet.
Du kan lage nasjonalt lånekort sjølv på denne sida: Lag nasjonalt lånekort
Send oss lånarnummeret du får, så knyt vi deg opp mot biblioteket vårt. Du kan òg kome innom oss for å få eit lånekort. Barn under 15 år må ha løyve frå ein føresett for å få lånekort.
Lånereglar (DOC, 41 kB)
Registreringsskjema ny lånar (DOCX, 14 kB)
Ordensreglar Stranda folkebibliotek (DOCX, 20 kB)
Låne
Her kan du søke i samlinga vår: Stranda folkebibliotek
Om du har lånekort og pin-kode, kan du logge på for å reservere materiale og fornye låna dine.
Låne frå andre bibliotek
Med nasjonalt lånekort kan du sjølv logge på Biblioteksøk og bestille materiale som du kan hente hos oss. Du kan òg ta kontakt med oss, så bestiller vi det for deg.
Om du har lånt noko frå andre bibliotek, kan du levere det til oss, så sender vi det til eigarbiblioteket for deg.
E-bøker og e-lydbøker
Med appen BookBites får du tilgang til e-bøker og e-lydbøker. Last ned appen til smarttelefon eller nettbrett, logg inn og legg til lånekortet ditt for å få tilgang til tusenvis av bøker. Ta kontakt med biblioteket om du treng hjelp til dette.
Film
Vi har film på DVD du kan låne med deg heim. Du kan òg sjå film hos Filmbib dersom du har lånekort og pin-kode.
Materiale på andre språk
Vil du ha materiale på andre språk enn norsk, kan du sjekke ut Det flerspråklige bibliotek.
Gje oss beskjed om kva du vil ha, så bestiller vi det til deg.
E-bøker og e-lydbøker på andre språk enn norsk finn du på Verdensbiblioteket.
Treng du materiale på lydbok eller punktskrift?
Har du synsvanskar eller lese- og skrivevanskar, kan du bli lånar hos Norsk lyd- og blindeskriftbibliotek.
Tenester i biblioteket
Biblioteket har gratis trådlaust nettverk og datamaskiner du kan bruke. Du kan skrive ut, skanne og kopiere. Når du er tilkopla biblioteket sitt nettverk, kan du få tilgang til tenestene Helsebiblioteket og Lovdata Pro.
Vi abonnerer på avisene Nyss og Sunnmørsposten. Du kan få tilgang til arkivet for desse avisene når du er i biblioteket.
Følg oss
Du finn oppdatert informasjon om opningstider, arrangement og nyheiter på Facebook-sidene våre:
Stranda folkebibliotek
Geiranger filial
Opningstider Stranda folkebibliotek
Måndag: 12:00-18:00
Tysdag, onsdag, torsdag og fredag: 12:00-16:00
Opningstider Geiranger filial
Onsdag: 9:00-11:00 og 14:30-17:30